हरि कुँवर, अर्घाखाँची ।
सूर्य माध्यमिक विद्यालय व्यवस्थापन समितिका अध्यक्ष पदम क्षेत्रीको पहलमा विद्यार्थीले (एसईई) परीक्षाको तयारी गर्दै छन् ।
मालारानी गाउँपालिका वडा नं. ९ गाेखुङ्गाकाे श्री सूर्य माध्यमिक विद्यालयले यस वर्ष माध्यमिक शिक्षा परीक्षा (एसईई) मा सहभागी हुने ४८ जना विद्यार्थीहरूलाई आवाशिय रूपमा विद्यालयमा राखि परीक्षाकाे तयारी गरेका हुन् ।
परीक्षा भन्ने कुरा भगवानको आशीर्वाद र भाग्यमा भर पर्ने कुरा हुँदै होइन। परीक्षामा सफलता प्राप्त गर्न आत्मविश्वास, जाँगर र लगनशीलताको साथै शिक्षक तथा अग्रजको भूमिका महत्वपूर्ण हुन्छ।
विद्यार्थीहरूलाई भाैगाेलिक रूपमा घरबाट विद्यालय जान करिव डेढ घण्टा लाग्ने र फर्कदा समेत उत्तिनै समय लाग्ने भएकोले विद्यालयबाट फर्केपछि घरमा पढ्न नपाउने, खालि समय हुँदा माेवाइल हेर्ने, विद्यालयकाे पढाइमा कम रुचि राख्ने जस्ता समस्याले शिक्षण सिकाइमा समस्या भई नतिजामा समेत असर पर्ने ठहर गरि अभिभावकहरूकाे भेलाकाे निर्णयबाट आवाशिय रूपमा कक्षा संचालन गरिएकाे प्र.अ. डुकप्रसाद पाैडेलले बताए ।
विद्यालय ब्यवस्थापन समितिकाे पहलबाट आवाशिय रूपमा बसेका विद्यार्थीहरूलाई निशुल्क रूपमा खाजा, खानाकाे ब्यवस्थापन गरिएकाे र न्युनतम शिक्षण शुल्क विद्यार्थीबाट लिईएकाे विद्यालय व्यवस्थापन समितिका अध्यक्ष पदम क्षेत्रीले जानकारी दिए । अध्यक्ष क्षेत्रीले विद्यार्थीको उज्ज्वल भविस्यको कामना गर्दै सहयोगी मनहरु लाई विशेष धन्यवाद समेत व्यक्त गरेका छन् ।
हाेस्टल ईन्चार्ज शिक्षक शजीवन पाैडेलका अनुसार केही समय विद्यार्थीहरूलाई माेवाईलकाे लत छुटाउन समेत समस्या परे पनि हाल सामान्य अवस्थामा पठनपाठन गरिरहेको बताए ।
४८ जना विद्यार्थी हाेस्टलमा राखेर पढाएको कुरा समान्य जस्ताे देखिन्छ तर ब्यवस्थापन गर्न पक्का पनि सजिलाे छैन् ।
विद्यार्थी हरूलाई हाेस्टलमा राखेर पढाउने वि.ब्य.स., प्रधानाध्यापक, शिक्षक कर्मचारीहरूकाे मेहनत र ब्यवस्थापन प्रशंसायाेग्य रहेको समाज सेवि लिला बिक बताउछन् । ससाना कुराले पनि विद्यार्थीको भविस्य उज्ज्वल बनाउन मद्दत गर्छ ।