धातिवाङ्ग-रूपन्देही सम्पर्क समाजले तिजमिलन कार्यक्रम सम्पन्न गरेकाे छ । बुटवलमा भएकाे तिजमिलन तथा जनप्रतिनिधि सम्मान कार्यक्रममा बाेल्दै पाणिनि गाउँपालिका अध्यक्ष टेकराज न्याैपानेले गाउँपालिकाकाे विकासका लागि सम्पर्क समाजकाे महत्त्वपूर्ण भुमिका हुने बताए । उनले गाउँपालिकामा आर्थिक वर्ष २०७९/०८० काे बजेट सभामा पेश भएपनि पास हुन नसकेकाेले विकास निर्माणका गतिविधि अगाडि बढाउन नसकेकाे बताए । कार्यक्रममा पाणिनि-६ का वडा अध्यक्ष कृष्णप्रसाद पाैडेलले धातिवाङ्गकाे विकासका लागि सम्पर्क समाजले सामाजिक क्षेत्रमा कार्य गर्न सक्ने बताए । पाैडेलले धातिवाङ्गकाे विकासका लागि चालु आर्थिक वर्षमा भएका बजेटकाे जानकारी गराउँदै नमुना वडा बनाउन जनप्रतिनिधिकाे पहल रहेकाे बताए ।
कार्यक्रममा कार्यपालिका सदस्य तारा पाैडेलले हरितालिका तिजकाे शुभकामना व्यक्त गर्दै समाजकाे विकासका लागि महिलाकाे भुमिका महत्त्वपूर्ण हुने बताईन ।
साेहि कार्यक्रमकाे अवसरमा पाणिनि गाउँपालिका अध्यक्ष टेकराज न्याैपाने, उपाध्यक्ष नर्मदा पाैडेल, वडा अध्यक्ष कृष्णप्रसाद पाैडेल, कार्यपालिका सदस्य तारा पाैडेल, वडा सदस्य खगेश्वर पाैडेल, हरिप्रसाद पाैडेल, प्रेस युनियनका केन्द्रीय लेखासमिति सदस्य घनश्याम पाैडेललाई सम्मान गरिएको हाे ।
कार्यक्रम धातिवाङ्ग-रूपन्देही सम्पर्क समाजका अध्यक्ष देवीप्रसाद पाैडेलकाे अध्यक्षता, पुर्व अध्यक्ष थानेश्वर पाैडेलले विषयवस्तुमाथि प्रकाश तथा स्वागत गरेकाे कार्यक्रमकाे सञ्चालन सहसचिव हरिप्रसाद घिमिरेले गरेका थिए ।