शोभाखर पन्थी, अर्घाखाँची ।
नयाँ नेतृत्वको चयन गर्दै नेपाल बुद्धिजीवी परिषद् अर्घाखाँचीको अधिवेशन सम्पन्न भएको छ । अधिवेशनले पवित्रा भट्टराईको अध्यक्षतामा १३ सदस्यीय जिल्ला समितिको चयन गरेको छ ।
नवगठित समितिको उपाध्यक्षमा विष्णु भट्टराई,सचिव दामोदर भाट,उपसचिव द्वयमा भुपाल खनाल , कविता घिमिरे र कोषाध्यक्षमा देवेन्द्र के.सी. लाई सर्वसम्मत चयन गरेको घ ।
यसैगरी सदस्यमा कृष्ण पन्थी,टहल बहादुर थापा,विष्णु बेल्वासे,लोकनाथ अधिकारी,बिनोद भट्टराई,कृष्णप्रसाद पन्थी र रेशमराज खनाल रहनु भएको छ ।
कार्यक्रममा मन्तव्य राख्ने वक्ताहरुले बुद्धिजीवीहरुको क्षमता र अनुभवलाई राज्य निर्माणमा लगाउनु पर्नेमा जोड दिनुभयो । उहाँहरुले नेकपा एमाले बाट मात्र मुलुकको विकास र समृद्धि सभव भएको भन्दै राष्ट्र निर्माणको निम्ति एकताबद्ध भएर अगाडी बढ्न आग्रह गर्नु भयो ।
यसरी मन्तव्य राख्नु हुनेमा नेपाल बुद्धिजीवी परिषद्का केन्द्रीय सदस्य ज्ञानबहादुर क्षेत्री,नेकपा एमालेका जिल्ला उपाध्यक्ष शम्भुप्रसाद पोख्रेल,नेकपा एमालेका जिल्ला सचिवालय सदस्य खुबिराम आचार्य लगायत हुनुहुन्थ्यो ।
नेपाल बुद्धिजीवी परिषद्का जिल्ला अध्यक्ष बिजय खत्रीको अध्यक्षता ,उपाध्यक्ष पवित्रा भट्टराईको स्वागत मन्तव्य र सचिव विष्णुप्रसाद भट्टराईको संचालनमा सम्पन्न कार्यक्रममा नेकपा एमाले जिल्ला लेखा परिक्षण समितिका अध्यक्ष वावुराम शर्मा , प्रेस चौतारी नेपाल लुम्बिनी प्रदेश समितिका अध्यक्ष शोभाखर पन्थी,बुद्धिजीवी परिषद् लुम्बिनी प्रदेश समितिका सहसचिव दिनेश बेल्वासे लगायतले मन्तव्य राख्नु भएको थियो ।