जाडो आएसँगै एन्फ्लुएन्जा (फ्लु) बाट सुरक्षित रहौं
एन्फलुएन्जा (फ्लु) भनेको के हो ?
एन्फ्लुएन्जालाई बोलिचालीको भाषामा फ्लु भनिन्छ । यो एन्फ्लुएन्जा भाइरसको कारणले लाग्ने संक्रमण रोग हो । जाडो महिनामा धेरै सक्रिय हुने यो भाइरसले शिशुदेखि जवान, अधबैंसे र वृद्धवृद्धा समेत सबै उमेरका व्यक्तिहरुलाई फ्लु लाग्न सक्छ ।
फ्लु कसरी सर्छ ?
फ्लु भएका व्यक्तिले बोल्दा, खोक्दा, हाच्छिउँ गर्दा निस्किएका छिटा नजिकको व्यक्तिको नाक वा मुखमा परेमा भाइरस सर्न सक्छ । ती छिटा सासबाट फोक्सोमा पनि जान सक्छन् । भाइरस भएको कुनै सतह छोएर आफ्नो मुख वा नाक छुँदा पनि फ्लु लाग्न सक्छ ।
फ्लुका लक्ष्ँण के हुन् ?
ज्वरो आउनु खोकी लाग्नु घाँटी दुख्नु टाउको दुख्नु नाक बन्द हुनु वा सिंगान बग्नु जिउ र मांसपेशी दुख्नु थकान महसुस हुनु
(फ्लु भएका सबैलाई ज्वरो नआउन पनि सक्छ )
फ्लु रोकथाम कसरी गर्ने ?
- बिरामी भएका व्यक्तिहरुसँग भौतिक दुरी राख्ने
- खोक्दा वा हाच्छिउँ गर्दा आफ्नो मुख र नाक छोप्ने
- शारिरीक रुपमा सक्रिय हुने र प्रशस्त तरल पदार्थ र पौष्टिक खाना खाने
- सम्भव भएसम्म बिरामी हुँदा घरमै बस्ने
- बेलाबेलामा साबुनपानीले हात धुने वा स्यानिटाइजरको प्रयोग गर्ने
- आफ्नो आँखा, नाक वा मुख नछुने
- फ्लु भएका अधिकांश व्यक्तिहरुलाई चिकित्सकको हेरचाह वा एन्टिभाइरल औषधिहरु आवश्यक पर्दैन ।
- दीर्घरोगी गर्भवती, वृद्धवृद्धा तथा रोग प्रतिरोधात्मक क्षमता कम भएकालाई फ्लुले धेरै असर गर्ने र अवस्था जटिल बनाउने भएकाले त्यस्ता व्यक्तिले स्वास्थ्यकर्मीको निगरानी वा सम्पर्कमा रहनुहोला
अनुरोधक स्वास्थ्य कार्यालय,
अर्घाखाँची