हरि कुँवर, अर्घाखाँची ।
प्रेस काउन्सिलद्वारा पत्रकार रुद्रमणि भुसाल सम्मानित हुने भएका छन् ।
प्रेस काउन्सिल नेपालले आफ्नो ५५औं वार्षिकोत्सवका अवसरमा अर्घाखाँचीका पत्रकार एवम् नेपाल पत्रकार महासंघ अर्घाखाँचीका काेषाध्यक्ष रुद्रमणि भुसाल लाई प्रेस काउन्सिल युवा पत्रकारीता पुरस्कार बाट पुरस्कृत हुने भएका हुन् ।
आइतबार प्रेस काउन्सिल को बार्षिक उत्सब समारोहमा राष्टपति रामचन्द्र पौडेल बाट भुसाल सहितका पत्रकारहरु सम्मानित हुने भएका हुन ।
यसैगरी यस वर्षको प्रेस काउन्सिल गोपालदास पत्रकारिता पुरस्कार अन्नपूर्ण पोष्ट दैनिकका प्रधानसम्पादक अखण्ड भण्डारी र नेपाल प्रेस इन्स्टिच्युटलाई संयुक्त रूपमा प्रदान गर्ने घोषणा गरिएको छ । यस पुरस्कारको राशि एक लाख ५१ हजार रुपैयाँ रहेको बताइएको छ ।