काठमाडौं ।
रेखाको फिल्म ‘उपहार’को ट्रेलर सार्वजनिक भएको छ ।
फागुन २५ गते शुक्रबार प्रदर्शनको लागी तयारीमा रहेको रेखा थापाको बहुप्रतिक्षित चलचित्र ‘उपहार’को ट्रेलर आज अर्थात शुक्रबार सार्वजनिक भएको हो।
ट्रेलरमा फुटपाथ व्यापारीको कथा लाई देखाउन खोजिएको छ । सडकमा व्यापार गरी गुजारा गर्दै आएका व्यापारीलाई महानगरले धपाएको र संरचना भत्काएको दृश्य ट्रेलरमा देखाईएको छ ।
ज्ञानेन्द्र देउजाको निर्देशनमा निर्माण भएको फिल्ममा रेखा थापासहित मुकुन भुषाल, तेज गिरी, समर्पणजंग कार्की, सुष्मा कार्की, अंशु महर्जन, आशा भुुषाललगायतको अभिनय रहेको छ ।
रेखा फिल्मस् र कपनगढी फिल्मस्को ब्यानरमा निर्माण भएको फिल्ममा विष्णु कल्पित घिमिरेको छायांकन, अर्जुन पोखरेल र बाबुल गिरीको संगीत, मित्र डि गुरुङको सम्पादन, सुलक्षण भारतीको कथा, भारतीका साथै अभिमन्यू निरवी र माधव शर्माको पटकथा तथा संवाद, अनुपम गौतमको भीएफएक्स र रोशन श्रेष्ठको द्वन्द्व निर्देशन छ ।
फिल्म ‘उपहार’ले राम्रो मार्केट लिने रेखाका शुभचिन्तकहरु को अनुमान छ ।