अर्घाखाँची ।
लुम्बिनी प्रदेशका मुख्यमन्त्री एवं नेकपा एमालेका नेता चेतनारायण आचार्यले नरपानी संरक्षणमा नेकपा एमालेको महत्त्वपूर्ण भुमिका रहेको बताएका छन् ।
सनिवार नेपाल निजामती कर्मचारी संगठन अर्घाखाँचीको आयोजनामा सन्धिखर्क नगरपालिका-६ नरपानीमा सहिद मनोज–झपेन्द्र–सुरेन्द्रको शालिक अनावरण कार्यक्रममा मुख्यमन्त्री आचार्यले नरपानी संरक्षणमा नेकपा एमालेको महत्त्वपूर्ण भुमिकाको प्रसंशा गर्दै पर्यटन गन्तब्य बनाउ प्रदेश सरकार लागि परेको बताए । सहिदहरुको सम्झना गर्दै प्रदेश सरकारले नरपानीको लागि आवश्यकता अनुसार बजेट छुट्टाएको समेत बताए ।
उनले नेपाल निजामती कर्मचारी संगठन जिल्ला अधिवेशनको शुभकामना दिदै लुम्बिनी प्रदेशमा कर्मचारी जनशक्तिको अभाव नहुने दाबी गरे ।
अब ४ हजार ७८ कर्मचारीको दरबन्दीमध्ये १ हजार ९ सय कर्मचारी पदपूर्तिका लागि प्रदेश लोकसेवा आयोगले आफ्नो काम अघि बढाएकाले जनताको पक्षमा काम गर्न कर्मचारीलाई अनुरोध समेत गरे ।
निजामती कर्मचारी संगठन अर्घाखाँचीका अध्यक्ष गणेश प्रसाद भण्डारीकाे अध्यक्षता एवं मुख्यमन्त्री चेतनारायण आचार्यकाे प्रमुख आतिथ्यतामा सम्पन्न कार्यक्रममा निजामती कर्मचारीका साथै राजनीतिककर्मि, सामाजिक अभियानकर्मि, जनप्रतिनिधि, पत्रकार लगायतकाे उपस्थिति थियाे ।